Reklamat në internet janë po aq të vjetra sa edhe vet interneti, por televizioni gjithmonë ishte vendi ku reklamuesit shpenzonin më së shumti para – pavarësisht që miliona dhe miliona njerëz kalonin me orë të tëra duke qëndruar në internet. Megjithatë, kjo balancë është prishur për herë të parë: sipas Advertising Bureau (IAB), të ardhurat nga reklamat në internet për vitin 2013 kanë shënuar 42.8 miliard dollarë në krahasim me të ardhurat e reklamave në TV të cilat janë 40.1 miliard dollarë.
Karakteristikë është gjithashtu se reklamuesit gjithnjë e më shumë kane tendencë që të targetojnë përdoruesit e telefonave të mençur. Sipas IAB të ardhurat nga reklamimi në telefonat e mençur kanë shënuar rritje e që njëherit është rritja e tretë radhazi për tri vitet e fundit – në vitin 2013 ishte 110% më shumë në krahasim me vitin 2012, duke arritur 7 miliard dollarë të ardhura.
Aktualisht në Telegrafi raporti i vizitueshmërisë në mes të Desktop dhe Mobile është 55.8% me 44.2%. vlen të theksohet se rritja e vizitave mobil nga viti 2012 në vitin 2013 është 102% dhe parashikojmë që gjatë vitit 2014 kjo shifër e vizitave nga telefonat mobil të tejkaloj vizitat e Desktop-it.
Gjithashtu vlen të theksohet se që nga vitit 2011 kur edhe për herë të parë Telegrafi implementoi platformën për menaxhimin e reklamave online, deri më tani numri i kompanive të cilat kanë reklamuar në Telegrafi është shënuar katër herë më i lartë.
TELEGRAFI sh.p.k. Rr. Bajram Kelmendi Nr.35, Prishtinë, Kosovë marketing@telegrafi.com +383 48 222 355 - 038 224 093
Ky portal mirëmbahet nga kompania "Telegrafi". Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të "Telegrafit". Për ta shfrytëzuar materialin e këtij portali obligoheni t'i pranoni Kushtet e përdorimit.
Të gjitha të drejtat janë të rezervuara © 2006-2024 Portali Telegrafi