Pesë karakteristika që të gjithë sipërmarrësit duhet t’i kenë

Sipërmarrësit që veprojnë në bazë të pasionit të tyre arrijnë më shumë sukses se sipërmarrësit që fokusohen vetëm te paratë. Suksesi i biznesit tuaj shpesh nuk përcaktohet nga leksionet që keni bërë në shkollë dhe as notat tuaja. Suksesi juaj varet shumë nga personaliteti, mentaliteti dhe pikëpamjet e juaja për jetën. Sipas një studimi të kohëve të fundit dy tiparet më të mira të personalitetit që zotërojnë sipërmarrësit janë përceptimi dhe intuita. Kjo është për shkak se suksesi nuk vjen tek ata që janë më të mençurit por tek ata që shohin mundësitë dhe i kapin ato.

Më poshtë janë pesë tipare të personalitetit që ndërmarrësit duhet të kenë:

Pasioni

Ndërtimi i një biznesi merr shumë kohë dhe përpjekje. Sipërmarrësit që nuk kanë frikë nga puna e madhe dhe janë të fokusuar në ëndrrën dhe vizionin e tyre shpesh janë më të suksesshmit sepse ata nuk heqin dorë kur edhe kur krijohet një sfidë ose problem.

Motivim

Sipërmarrësit janë të përkushtuar në punën e tyre. Ata nuk janë të varur nga një menaxher apo një koleg që t’i shtyjë drejt qëllimeve të tyre ose të kryejë punën e tyre. Mirëpo një ndër tiparet kryesore që duhet të ketë një sipërmarrës është motivi. Përveç që do të ndihmojë në suksesin e biznesit, motivi gjithashtu do të jetë shtyrje për punëtorët tuaj të punojnë më shumë.

Optimizëm

Sipërmarrësit janë optimistë për të ardhmen dhe janë gjithmonë në kërkim të më të mirës. Ata kanë një vizion që e ndajnë me të tjerët dhe së bashku punojnë me optimizëm drejt atij vizioni.  Por nuk mjafton vetëm të caktohen qëllimet. Ju duhet të bëni një plan dhe të bëni gjithçka që mundeni për të arritur këto qëllime.

Kreativiteti

Sipërmarrësit nuk mendojnë në të njëjtën mënyrë si të gjithë të tjerët. Ata e shohin botën ndryshe dhe mendojnë jashtë kufinjve. Duke qenë kreativë, ata dalin me ide që ndryshojnë botën.

Rrezikues

Sipërmarrësit nuk lejojnë që pasiguria dhe dështimi i mundshëm t’i ndalojnë ata të bëjnë atë që duhet të bëhet. Përkundrazi, sipërmarrësit i shikojnë sfidat dhe rreziqet si mundësi, jo si probleme./Telegrafi/