Katër mënyra si të menaxhoni komentet negative të konsumatorëve

Nuk është aspak inkurajuese të merrni komente negative nga konsumatorët, por ajo nuk do të thotë domosdoshmërisht se do të shkatërrojë biznesin tuaj. E gjitha varet nga mënyra se si trajtoni kritikat që merrni.

Përgjigjja ndaj komenteve negative ndërton besimin me konsumatorët në biznesin tuaj kështu që kur ju ipërgjigjeni një komenti negativ dhe adresoni konsumatorin e mërzitur, po flisni edhe me qindra konsumatorë të tjerë që duan të dinë se si e mbani biznesin tuaj.

Më poshtë gjeni disa mënyra se si të përgjigjeni në komentet negative të konsumatorëve:

Përgjigjuni shpejt dhe me një përgjigje të personalizuar

Në një kohë të telefonave të mençur dhe komunikimit të vazhdueshëm, klientët kanë zgjedhje te shumta ne dispozicion. Duke iu përgjigjur një komenti negativ sa më shpejt që të jetë e mundur pasi të jetë postuar, dhe duke ju drejtuar personalisht konsumatorit do të tregojë se ju kujdeseni për klientët tuaj.

Kërkoni falje dhe shprehni ndjeshmëri

Konsumatorët mund të mos kenë gjithmonë të drejtë, por nëse i thoni ata se janë gabim, do të humbni biznesin tuaj. Në rastet kur përballeni me një përgjigje negative, një markë duhet të shprehë mirëkuptim dhe ndjeshmëri pa e fajësuar konsumatorin për pakënaqësinë e tij. Konsumatorët duan të ndihen të dëgjuar dhe të kuptuar, prandaj është e rëndësishme të zbuloni se çfarë duan klientët tuaj dhe se si mund të përmbushë kërkesat e tyre biznesi juaj.

Kërkoni një shans të dytë

Kërkimi i klientëve se si mund të përmirësoni përvojën e tyre me markën tuaj në të ardhmen është çelësi për mbajtjen e marrëdhënieve të mira me konsumatorët. Ankesat e klientëve përmbajnë informacion të vlefshëm që mund të ndihmojë në përmirësimin e shërbimit tuaj kështu që ofrimi i një kuponi ose produkti zëvendësues pas një eksperience negative mund t’ju ndihmojnë të fitoni një shans të dytë me konsumatorët. Nëse një klient ka një përvojë të keqe me një shërbim apo punonjës të caktuar, është e rëndësishme të kuptojmë plotësisht arsyen e pakënaqësisë për të përcaktuar zgjidhjen më të mirë.

Inkurajoni më shumë komente

Nuk është e lehtë të pranoni kritika, veçanërisht nga njerëz që kanë shumë rëndësi në biznesin tuaj. Inkurajoni klientët tuaj të shkruajnë komente në mënyrë që të përfitoni plotësisht nga kjo mundësi dhe të krijoni raporte të mira me ta. Përgjigja e komenteve negative është një mënyrë e shkëlqyeshme për të treguar se jeni duke dëgjuar dhe duke iu përgjigjur të gjitha reagimeve dhe që me të vërtetë i vlerësoni mendimet e klientëve tuaj. /Telegrafi/