Tre mënyra si sipërmarrësit po krijojnë mardhënie miqësore me konsumatorë - Telegrafi Marketing

Tre mënyra si sipërmarrësit po krijojnë mardhënie miqësore me konsumatorë

Pothuajse secili e ka dëgjuar thënien: Konsumatori ka gjithmonë të drejtë. Për kompanitë biznes-konsumatorë që mbështeten në ruajtjen e klientëve e dijnë se për t’i mbajtur këta konsumatorë të lumtur dhe besnik mund të jetë një përpjekje frustruese dhe konfuze.

Një numër i madh i kompanive kanë zgjedhur të kenë mardhënie të afërta dhe miqësore me konsumatorë, shumica përmes mediave dixhitale që e bëjnë më të lehtë arritjen e konsumatorëve përmes targetimeve dhe metodave të reja të marketingut dhe avancimit të shërbimeve për klientë.

Mos jini thjeshtë miqësorë.  Bëhuni mik i konsumatorit

Mbani një personalitet dhe bisedoni me klientët tuaj. Krijoni një shërbim të mrekullueshëm për klientë dhe gjithmonë kujtoni këtë : Kur i përgjigjeni një klienti, pyesni veten se si do t’i afroheni një shoku që ka nevojë për ndihmë.

Cilësia e përgjigjes

Shmangni përgjigjet e përgjithshme, përdorni emrat e klientëve tuaj dhe falënderoni ata për ankesen që kanë bërë për produktin ose shërbimin tuaj. E rëndësishme është se nëse një klient ankohet për kompaninë tuaj, atij klienti i intereson diçka rreth produktit ose shërbimit tuaj dhe po kërkon ndryshim.  Ndërtimi i një marrëdhënieje miqësore me konsumatorë do të sjellë vetëm benefite për kompaninë tuaj.

Rregulli i minutit të 5-të

Ndonjëherë do të hasni një klient të paarsyeshëm, dikush që do ta bëjë të vështirë për ju të qëndroni të qetë dhe të mos merrni gjërat personalisht. Në botën e shërbimit ndaj klientit, vendimet e menjëhershme nganjëherë mund të rezultojnë në dërgimin e emaileve që shprehin pakënqësi dhe zemërim. Për të mos u shprehur njejtë si konsumatori dhe për të mos pasur qasje personale bëni pushim pesë minuta para se të ktheni përgjigje. Rregulli i minutit të 5-të ju lejon të shkëputeni nga frustrimi dhe acarimi dhe pastaj të ktheheni në detyrën tuaj të shërbimit të klientit.

Idealisht 95 për qind e kohës, klientët tuaj janë të lumtur dhe të ngazëllyer për të vazhduar me produktet ose shërbimet e kompanisë tuaj.  Por kur të ndodhë 5 përqind e rasteve të jenë të pakënaqur, mundohuni t’i shtoni pak humanizëm përgjigjes suaj dhe të konsideroni konsumatorin si mikun tuaj./Telegrafi/